amalinks wokungena

UJustice Malaba Uthatha Isikhundla Esitshiywe nguJustice Chidyausiku


UJustice Luke Malaba ngesikhathi evula umnyaka omutsha wokuthetha amacala eBulawayo High Court.

UMongameli Robert Gabriel Mugabe usekhethe uJustice Luke Malaba ukuba ngumahluli omkhulu wemithethwandaba yaphezulu eZimbabwe, uChief Justice, ngesikhathi kulokuxokozela ekukhethweni kwalowo ozathatha isikhundla sika Justice Godfrey Chidyausiku, osanda kutshiye lumsebenzi.

UJustice Malaba uphiwe isikhundla lesi kulandela ukunqoba kwakhe phakathi kwabambalwa abakade besifuna abagoqela uJustice Rita Makarau loJustice Paddington Garwe.

Kulabanye njalo abakubandla leZanu PF akade befuna ukuba uMugabe anikwe ithuba lokukhetha umahluli amfunayo kulokuthi kukhethe uhlangothi lwezemithetho olweJudicial Services Commission.

Akade befuna ukuthu uMugabe enze lokho kade bekhangelele ukuba kuguqulwe isisekelo sombuso ukwenzela ukuba umongameli aphiwe amandla okukhetha umahluli emfunayo ozangena esikhundleni esitshiye nguChidyausiku.

Abantu abanengi baveze ukuthokoza ukuba uJustice Malaba usethole isikhundla lesi lobanje abanye belokhe besithi uzulu kumele ayale ukuguqulwa kwesisekelo sombuso esingakabi leminyaka emihlanu sisebenza.

Abanye abantu akade besemhlanganweni okade uqoqwe yinhlanganiso yamagqwetha eyeAbammeli Lawyers for Human Rights.
Abanye abantu akade besemhlanganweni okade uqoqwe yinhlanganiso yamagqwetha eyeAbammeli Lawyers for Human Rights.

Ekhuluma emhlanganweni oqoqwe yinhlanganiso yeAbammeli Human Rights defenders, uDokotela Godern Moyo, ukhuthaze uzulu ukuba angavumi ukuthi kuguqulwe uhlelo lokukhetha uChief Justice ngoba ayisikho abakuvotelayo kusisekelo sombuso esikhona.

Lokhu kusekelwe nguMfundisi Useni Sibanda othe njengamakholwa abavumelani lokuguqulwa kwesisekelo sombuso ekukhetheni uChief Justice.

Umongameli webandla le Alliance for National Salvation, uMnu. Moses Mzila-Ndlovu, uthe uhulumende weZanu PF kazimiselanga ukulandela isisekelo sombuso esalotshwa ngabantu.

Isikhulumeli sebandla leMthwakazi Republic Party, uMnu. Mbonisi Gumbo, uvumelane loMaphosa loMzila Ndlovu esithi lokhu kwenzakala ekugwcaliseni izifiso zeZanu PF.

UJustice Malaba, okwamanje ongekho elizweni leZimbabwe, ukhangelele ukuphindela ekhaya ezofungiswa ukuqala umsebenzi nguMugabe.

Facebook Forum

XS
SM
MD
LG