amalinks wokungena

Breaking News

Sebebulala Abokuza ePolokwane Kulandela Ukubotshwa Kuka Prince Dube Odabuka eZimbabwe Okuthiwa Wabulala Abesifazana Abayisikhombisa


Kulabadabuka kwele South Africa okubikwa ukuba sebebulala abantu bokuza ePolokwane esabelweni seLimpopo kulandela ukubotshwa kuka Themba Prince Willard Dube, odabuka eZimbabwe, okuthiwa wabulala abesifazana abayisikhombisa owayebathembise ukubadingela imisebenzi.

Kulamavidiyo ambalwa abhodabhoda enkundleni zokuxhumana ezinjenge WhatsApp leTwitter, okungaziwayo ukuthi athethwa ngobani, aveza abanye abantu begangadwa ngamatshe ePolokwane ngabadabuka kwele South Africa.

Kasenelisanga ukukhuluma ngodaba lolu lamapholisa eLimpopo. Uhulumende wakwele South Africa ukusole kakhulu ukubulawa kwabesifazana okuthiwa uDube wazama ngamandla wonke ukubatshisa esebabulele kodwa kwehlula.

Abanye abadabuka eZimbabwe abahlala ePolokwane bathi sebedlela evalweni kulandela ukubotshwa kuka Dube, omiswe emthethwandaba ngoMvulo esetheswa amacala okubulala uSarah Mothiba, Moleboheng Mothibeli, Khomotso Makhura, Sanah Sinyatsi, Andrea Cholo, Chisimango Gumbo loJane Letswalo.

Umsakazo weSouth African Broadcasting Corporation ubika ukuba kucatshangelwa ukuthi uDube wathumba abesifazana laba wababulala wasebaphosela egangeni endaweni ezitshiyeneyo.

Lokhu sekuzondise abahlala endaweni le asebedinga ngamehlo abomvu ePolokwane abadaduka eZimbabwe lakwemanye amazwe.

Facebook Forum

XS
SM
MD
LG