amalinks wokungena

Kuthiwa AmaNdebele Angamagwala ...

  • Praxedes Jeremiah

Linda Masarira owe Zimbabwe Women in Politics.

Kuqhamuke ukuxokozela emhlanganweni wenhlanganiso ezizimeleyo obuqoqwe ngabe Crisis of Zimbabwe Coalition lapho okuphume khona amagama okuthukana ngemihlobo.

Omunye walabo akade besemhlanganweni lo kuthiwa utshele umphakathi ukuthi abantu abadabuka emhlubulweni waseMaNdebeleni bangamagwala njalo bazikhangelela phansi bengafuni ukulwela amalungelo abo.

Lokhu kubikwa kukhulunywe ngolwela ilungelo loluntu, uNkosazana Linda Masarira, owenhlanganiso yeZimbabwe Women in Politics lenhlanganiso yomkhankaso weTajamuka-Sesijikile Campaign.

UMasarira uthe ebuzwa yiStudio 7 ngodaba lolu walandula ukuthi ukubeke ngendlela yokuthuka abadabuka kulumhlubulo weMatabeleland wathi abezindaba ababekanga kahle loludaba.

Omunye wabakade besemhlanganweni lo, uMnu. Nkululeko Tshuma, uqina ngelokuthi ngempela ukutshilo uMasarira lokho kwabamangalisa njengabantu abalwela amalungelo oluntu abavela eMaNdebeleni.

Kusenjalo, kulesinye isizalwane seZimbabwe esethule amagama ayesebabekayo kumaboda kude weYou Tube esithi aMaNdebele ayazenzisa.

Ukuhlaziya udaba lokufuthelana phakathi kwabemihlobo engale langapha komful uTshangana, uPraxedes Jeremiah weStudio 7 uxoxe loTshuma elomunye njalo olwela amalungelo oluntu osehlala kweleBotswana uMnu. Njabulo Ncube.

XS
SM
MD
LG