amalinks wokungena

Breaking News

Abalandeli Bebandla leZanu PF Bathwalisa Nzima Njalo uChamisa eManicaland


Omunye wabavimbe uNelson Chamisa eManicaland ngoLwesithathu. (Photo: VOA)
Omunye wabavimbe uNelson Chamisa eManicaland ngoLwesithathu. (Photo: VOA)

Ibandla leMDC Alliance lithi umkhokheli walo labalandeli abambalwa bavinjwe namuhla ngabandeli bebandla leZanu PF ukuba bengene kwezinye indawo eMutare esabelweni seManicaland lapho obekumele bakhulume lenkokheli yomdabu labantu abatshiyeneyo ngokhetho oluzakwenziwa ngomnyaka ka2023.

UNkosazana Fadzayi Mahere, isikhulumeli sebandla leli sithi, uChamisa, ophose wadutshulwa izolo ngabacatshangelwa ukuba ngabalandeli bebandla leZanu PF, kalimalanga kusehlakalo lesi.

UChamisa uphose wadutshulwa ehamba labanye bakhe esabelweni lesi izolo kulandela imihlangano ayenze eBirchnough lapho akhulume khona emhlanganweni embalwa lozulu.

Ukewavinjwa eMasvingo ngabalandeli bebandla leZanu PF elithi uChamisa kafunakali ezabelweni zonke. Ibandla lakhe lithi selidinga imali yokumthenge imota elakho ukunqabela ukuba adutshulwe ephakathi kwayo.

Sokubuthaniswe imali efika phose inkulungwane ezingamatshumi amabili amadola eMelika – US$19,331 ngabantu abadinga imali le ebulenjini beInternet enkundleni yeGoFundMe.

UMnu. Joseph Tshuma, owebandla leZanu PF, uthi kulungile okwenziwa ngabalandeli baka Chamisa okumele bakhumbule ukuba bancede labanye abantu abathwele nzima eZimbabwe abanjengabantwana besikolo eManama esathathwa ngumoya ngesikhathi kusina izulu elikhulu.

UDokotela Nkululeko Sibanda, isikhulumeli sikamongameli webandla leMDC Alliance, uthi kuhle kakhulu okwenziwa nguzulu othakazelela uChamisa njalo ozamvotela ngokhetho oluzayo.

Kulungile Na Ukuthengela uChamisa Imota Eyokuvimba Inhlamvu Zombhobho?
please wait

No media source currently available

0:00 0:03:45 0:00


XS
SM
MD
LG