amalinks wokungena

Breaking News

'Kuyayangisa Ukutshaywa Kuka Thokozani Khupe Ngamalunga eMDC-T'


UMnu. Kucaca Ivumile Phulu, umsekeli kamongameli webandla lePeople's Democratic Party.

Abanye abantu ezabelweni zeMaNdebeleni lalabo abakunhlanganiso ezizimeleyo basole kakhulu udlakela olubekhona ngeSonto koBulawayo emawofisini ebandla eliphikisayo eleMDC-T lapho okutshaywe khona umsekeli webandla leMDC-T, uNkosazana Thokozani Khupe, ngabanye abalandeli bebandla leli.

Abahlasele uKhupe labanye bakhe besemhlanganweni wokuhlolisisa umanyano weMDC Alliance, kubikwa ukuthi bazondiswe yikuthi kahambanga eHarare okwethulwe okusemthethweni umanyano weMDC Alliance emagcekeni eZimbabwe Grounds elokitshini leHighfields.

UKhupe uthwalelwe esibhedlela watshelwa ukuthi kumele ayephumula ngekhaya okwesikhatshana engakabuyeli kubandla leli.

Omunye walabo abasole ukutshaywa kuka MaKhupe nguMnu. Kucaca Phulu, umsekeli webandla le People’s Democratic Party elikhokhelwa nguMnu. Tendai Biti, othe kuyayangisa okwenzakale emawofisini ebandla le MDC-T.

Lokhu kusekelwe nguNkosikazi Abigale Mupambi, umqondisi we #ThisConstitution, othe kusegcekeni ukuthi kukhona okungamanga kuhle ebandleni leMDC-T.

Umkhokheli weMatabeleland Republic Party, uMnu. Mqondisi Moyo, yena uthe alubamangalisi lolu dlakela ngoba ngo2005 batshayana njalo kuze kuxexebuke elinye icele elikhokhelwa nguMnu. Welshman Ncube.

Olwela amalungelo oluntu, uMnunzana Josphat Mzaca Ngulube, usole kakhulu umkhokheli weMDC-T, uMnu. Morgan Tsvangirai, othe uyehluleka ukukhuza abanye abalandeli bebandla leli abathanda udlakela.

Ibandla leMDC-T lethule imibiko lisola udlakela lwayizolo bethi loba amapholisa esecubungula loludlakela labo njengebandla abavumelani lokwenzakale izolo njalo ozafumanwa elecala uzajeziswa kulandelwa imithetho yebandla.

Facebook Forum

XS
SM
MD
LG