amalinks wokungena

Breaking News

Kawasasebenzisi Amacondoms Amadoda Asokileyo


Amazwe amanengi aqhuba uhlelo lokusoka kuzwekazi le Africa abhekane lohlupho lwalabo abaluchothoza okwamagama besithi lusiko lwabanye abantu.

Kulabanye njalo abathi abathakathi sebesebenzisa izitho zomzimba ezisikwa kulabo abasokayo. Abesifazane labo kabajabuli ngokwenzakalayo njengoba amadoda abo asokileyo esengasasebenzisi imicwado yama condoms.

Kuhlandla leli lesibili lodaba lokusoka, sikhangela konke lokhu okwenzakala eSwaziland, South Africa le Zimbabwe.

Umnu. Ernest Dhlamini ohlala embabane kwele Swaziland, owasoka ngomnyaka ka 2006 ukwenzela ukuthi umzimba wakhe uhlanzeke, uthi banengi abantu abasokilayo asebezitshaphaza.

UDhlamini uthi uhlelo lokusoka emazweni la lungabe solubuyela emuva ngenxa yamadoda asokiweyo angasasebenzisi ama condoms.

Lokhu sokuzondise abesifazane abanengi abatshadileyo abathi ukusoka sokuphambanisa imitshado yabo.

UNkosikazi Sithembile Mlotshwa omele iMatobo edale le senate uthi omama kabahlalisekanga ngohlelo lolu.

Uthi amadoda asokiweyo angasasebenzisi imcwado yama condoms acabanga ukuthi asenxitshiwe ekutholeni igcikwane le HIV.

Abesifazane abathengisa imzimba yabo sebekhomba ngophakathi njengoba labo abasokiweyo bebhadala imali ekhuphukileyo nxa bengasebenzisi amacondoms.
please wait

No media source currently available

0:00 0:05:39 0:00
Lapho esitholakala khona



Abanye babo esixoxe labo edolobheni lakobulawayo bathi balala lalabo abasokiweyo loba belegcikwane le HIV/AIDS.

Iziphathamandla zikahulumende ezibona ngenhlelo lezi ezimbabwe, South Aafrica le Swaziland zithi ziyazama ngamandla wonke ukufundisa labo abasokiweyo ukuthi akumelanga bezitshaphaze ngokulala labesifazana bengala macondoms.

Kusenjalo, kulabanye njalo abacabanga ukuthi lokho okusikwa kulabo abasokiweyo sokusetshenziswa ukuloya.

Inyanga esikhulume lazo zithi bakhona abantu, ikakhulu osomabhizimisi, abafuna ukusebensisa izitho lezi ekuthuthukiseni amabhizimisi abo.

Omunye wabo ngumnu. Hlanganani Dungeni, osebenzela elokitshini le Makokoba koBulawayo, othi kabaniki muntu izitho lezi.

Udungeni uthi lokho okusikwa emzimbeni womuntu wesilisa kuyalahlwa nxa umuntu eqeda kusokwa njengalokho okwenzakala ezibhedlela.

Umlotshwa ucabangela ukuthi bakhona abathola izitho lezi ezibhedlela.

Ingcwethi ezikhangelane lokumemetheka kwegcikwane le HIV zithi kumele inhlelo lezi zokusoka ziphendlwe kutsha ukwenzela ukubona ukuthi zingabe zinqabela ukumemetheka kwegcikwane leli.

Zikhona njalo ezithandabuza okwenzakalayo ezithi abantu abasokiweyo bakhanya bememethekisa igcikwane leli njengoba inengi labo lingasasebenzisi ama condoms.

Kuhlandla lokucinca lodaba lolu, sizahlaziya okucatshangwa zingcwethi lezi ngohlelo lokusoka eSwaziland, South Africa le Zimbabwe.
XS
SM
MD
LG