amalinks wokungena

Kambe UMfundisi Mawarire Engabe Esebenzelana LeZanu PF?

  • Chris Gande

UMfundisi Evan Mawarire

Ukubotshwa kukaMfundisi Evan Mawarire owayebaleke eZimbabwe sokudale imbuzo eminengi okumangalisayo.

Abanye babuza ukuthi yindaba ephendukile kwele Zimbabwe njalo ubethembeni ekwenza lokhu.

UMawarire wasuka elizweni nyakenye ngemva kokuba icala lakhe ayeletheswa elokufuna ukugenqula umbuso kaMongameli Robert Mugabe lilahliwe.

Kodwa amapholisa asemethesa icala elifanayo engezelela ngelokuthi watshotshozela uzulu ukuthi ahlamukele uMugabe edolobheni le New York ngesikhathi umongameli ekhonale.

Abanye ngabathi uMawarire engaba esebenzelana lebandla leZanu PF ukwenzela ukuxexebula usekelo lwamabandla aphikisayo.

Ukuhlaziya loludaba sixoxe lengcwethi ecubungula ezombusazwe, uMnu. Mxolisi Ncube, njalo oyintathelizindaba, lelunga lomkhankaso we Tajamuka Sesijikile, uMnu. Gift Siziba.

USiziba uthi: "Okokuqala ngithanda ukwamukela uMawarire, okwesibili angivumelani lokubotshwa kwakhe ngoba engelacala njalo okwesithathu amacala awetheswayo angivumelani lawo."

UNcube yena uthi uyavumelana lo Siziba kokunye kodwa wathi: "UMfunidisi Mawarire wasuka esithi kasaphephile eZimbabwe kodwa khathesi usephendukeleni bona abantu ababalekeleyo belokhu besakhona. Isibindi esingaka usesithethe ngaphi?"

Facebook Forum

XS
SM
MD
LG