amalinks wokungena

Breaking News

IMiracle Missions Isifuna Ukunceda Abahluphekileyo eMozambique AbeZimbabwe Bekhala Ezimathonsi


UNkosikazi Renee Dance

Abakunhlanganiso yeMiracle Missions kubandla lePresbyterian Church eHighlands eHarare bathi sebecabanga ukuyanceda abanye abehlelwe yingozi yezulu lesiphepho uCyclone Idai kwele Mozambique ngoba sebethole impahla enengi kakhulu yabantu beZimbabwe.

Bathi kungcono bathwale impahla le bayeyinika abahluphekilayo eMozambique okulabantu abanengi okumangalisayo ababulawa ngamanzi adalwa lizulu leli.

Kodwa imibiko evelela kulabo abamele bathole usizo lolu bathi lanxa okumunyethwe zingwalo zalabo ababadingela impahla lokudla kuveza ukuba kunengi osekusiwe eChimanimani esabelweni seManicaland, abatholi lutho ngenxa yokuthi abantu baphiwa uncedo lolu ngokuthi basekela ibandla elithize.

Omunye wabakhokhela umsebenzi wokunceda abantu abehlelwe yingozi yamanzi le, uNkosikazi Renee Dance, uthi sokukunengi kakhulu ukudla lokunye okuphiwe abantu kwele Zimbabwe ngakho-ke bakubone kufanele ukuthi bancede kwele Mozambique.

Sokulempahla enengi okumele inikwe abahluphekileyo eManicaland.
Sokulempahla enengi okumele inikwe abahluphekileyo eManicaland.

"Thina lapha eZimbabwe sibe ngababusisiweyo sathola usekelo olumangalisayo luvelela kunhlangothi ezehlukeneyo eZimbabwe, emazweni angomakhelwane. Sasesibona ukuba kulesidingo sokuba sisize abeMozambique njengoba beyibo abalahlekelwe okwedlulisa amalawulo. Thina ngapha usizo esesiluthola ngolokubona ukuba lezindawo ziyavuselelwa njalo sasesibona ukuba lapho esibuthanise khona okunengi kakhulu siphe omakhelwane eMozambique.”

Kodwa-ke banengi abangakatholi uncedo abaludingayo.

Bagoqela uGogo Simango othi, “Asikalutholi lolosizo lanxa kuyithi saba ngabakuqala ukubhalisa amagama ukuthi sesehlelwe ludubo kodwa isimanga yikuba kuphiwa abangala dubo njengathi. Uyakukhangela nje umuntu engezwa kusithi akafuni ukukunikeza lolosizo uyazidlulela nje anikeze amfunayo. Abakubutho baze basitshela ukuthi bona banika uncedo belandela amagama abantu ayabe elotshiwe evelela kulabo abenza lokho. Bathi bona akukho abangakwenza lanxa bengaziphiwa lezo zikhalazo.”

Uhulumende we Zimbabwe uveze ukuba sebefika phose amakhulu amathathu (268) abalahlekelwe yimiphefumulo engozini ebangelwe lizulu lesiphepho uCyclone Idai.Kubikwa ukuthi kulabamangamatshumi amabili lasitshiyangalombili ababhubhileyo asebetholakale kusetshenziswa izinja (28) njalo labangamatshumi ayisitshiyagalombili lambili (82) okubikwa ukuthi sebengcwatshwe kwele Mozambique ngemva kokugalula emifuleni eyebachitha kulelolizwe.Ikhansili Yako Bulawayo Ithi Izakhamizi Kumele Zisebenzise Amanzi Ngonanzelelo.

Kunengi Kakhulu Ukudla Okutholakale Kuzulu Okumele Kuncede Abantu Abahluphekileyo
please wait

No media source currently available

0:00 0:04:52 0:00

Facebook Forum

XS
SM
MD
LG