Kuhlelo Woza Friday kuliviki sileqembu lezomculo iTop Kings elidabuka eVictoria Falls.
Abafana bakaNcube laba bangamaphahla njalo lokhu bekumfundo yeSecondary, befunda uForm 5, esikolweni seMosi-oa-Tunya High School.
Kukalutshwana ukubona abantwana besikolo becula ngendlela ehleleke kangaka okuveza ukuba amaphahla la alesiphiwo ngempela. Badume okwamagama eVictoria Falls ngemculo yabo etshiyeneyo lokugida kwabo, lokhe bangenayo kwezokulibazisa uzulu eminyakeni eyisithupha edluleyo.
"Thina amagama nguNkosenhle loNkosilathi Ncube. Singamaphahla sizalelwe khonapha eVictoria Falls. Sifunde eChinotimba Primary School lapho esaqala ukugida khona lesitshikitsha singakaqalisi okokuhlabela. Khathesi siyenza iA Level sise Mose-Oa-Tunya High School lapho okuphakanyiselwe khona phezulu okwethu okumculo nguMr. Roland Sibanda onguye umphathisikolo wethu."
Ngobuciko babo bayenelisa ukupheka umculo wabo ngapha betshaya ibhuku njengebhuku.
"Khathesi sikhuluma siyenza uForm 5, sisenza ama-arts, top kusitshukuthi singama Kings so sahle sathi thina Top Kings. Silama album amabili, elinye esalenza ngo2017, elinye salenza ngo2019. Esalenza ngo2018 libizwa kuthiwa ‘Level Rachinja’ and then esalenza ngo2019 libizwa kuthiwa ‘Ukufa Kuyabuya’.
Njengabasakhulayo iTop Kings iyaphatheka ekusebenzeni labanye abaculi labapheki bemculo etshiyeneyo.
"Sisebenze lamastudios atshiyeneyo tshiyeneyo, sihlanganisela eyako Bulawayo. Sacollaborator loMadlela uSkhobokhobo ingoma layo ekhona khonapho kumasingles collection abizwa kuthwa uMellisa, esayitshaya laye ibizwa kuthwa ‘Umama Wengane’. Abantu bakwamukele ngamandla njalo ngothando langezifiso zabo zonke ukuthi sifika lapho thina esifisa ukuyakhona."
Uzulu weZimbabwe ukhanya ewukhwabitha ngempela umculo weTop Kings, ngakhoke uNkonsenhle loNkosilathi bakhhuthaza uzulu ukuba ebasekela kanye lokuthenga umculo wabo.
“Sicela ukuthi lale lisisekela ngamandla, lathi sizalenzela izmanga asikaqalisi. Lapho elingasibamba khona kumasocial medias kuFacebook its Top Kings music, kuTwitter Top kings music, ku Instagram Top kings music, inumber zethu ze whatspp 07844796222 and then kuYouTube its Top Kings online, siyabonga.”
