amalinks wokungena

Breaking News

I-Amnesty International Ithi Abesifazana eZimbabwe Kumele Bethole Uncedo Ekwelatshweni Isimo seObstetric Fistula


FILE - Odokotela bathunga owesifazana olesimo se-obstetric fistula.

Abenhlanganiso yeAmnesty International bathi abesifazana babhekana lenhlupho ezinengi ekutholeni usizo lokwelatshwa eZimbabwe okucina kufaka impilakahle yabo engozini.

Lokhu kuphume ngoLwesine lapho abenhlanganiso le, besethula impumela yophenyo abalwenza ngomnyaka ka2018 oluphathelane lezempilakahle yabesifazana.

UDokotela Edwin Mpeta, ingcwethi kwezempilakahle ebingumhlonitshwa emkhosini wokwethulwa kombiko wabe Amnesty International owenzelwe enkundleni yebulenjini owenhlanganiso yeUnited Nations Population Fund, uthi zilakho ukwehliswa inhlupho ezibhekane labesifazana kwezempilakahle, ikakhulu bebeletha ezinjenge obesteric fistula.

“Udubo lwe-obsteric fistula selulutshwana emazweni athuthukileyo kodwa lokhe lusayinkinga emazweni akithi, emazweni asathuthukayo njalo lokhu kubangelwa yisimo sezempilakahle.”

UNkosikazi Memory Nyakudya, ohlala eBikita, ngomunye wabomama olalesisimo se-obsteric fistula esihlasela omama lapho bebeletha. Okwamanje ulindele ukuthola usizo esibhedlela seMashoko Mission.

“Sihamba umango omude sizithwele ukuthi uyehlolwa. Kulez’insuku abezempilakahle bayasikhuthaza ukuba umuntu kumele ahle ahambe esibhedlela ngenyanga yakuqala yokuzithwala kodwa omama abanengi abenelisi lokho ngoba zikhatshana kakhulu lezo zibhedlela.”

Osakhulayo, uTafadzwa Chigandiwa, ugcizelela esithi udubo lolu lukhulu emaphandleni ukwedlula emadolobheni.

“Abantu abanengi bemaphandleni bacela uhulumende ukuba enze zibe zinengi izibhedlela lamakilinika njalo bacela ukuba lez’isibhedlela zibe seduze bengaze bahamba imimango emide leyo abayihambayo. Ukuthi abantu besifazane bakhuthazwe ukuthi behambe ezibhedlela besiyakhangelwa ngakhonoko ngibona engani uhulumende engasinceda nxa engenelisa ukwenza okucelwa ngabantu abasemaphandleni.”

Impumela yophenyo lwabe Amnesty International oluqhutshwe kusukela ngenyanga kaZibandlela ngo2018 lwaphela ngoMfumfu nyakenye beluphansi phansi kwesihloko esithi ‘I never thought I could get healed from this’, yethulwe isandulela usuku lokunanza ukuqakathekiswa kwesimo se-obsteric fistula emhlabeni wonke jikelele, olwe United Nations International Day to End obstetric fistula mhlaka 23 May.

Abenhlanganiso yeAmnesty International bathi uhulumende weZimbabwe lokhe esilela kwezokunakekela impilakahle yabesifazane lamantombazana. Bathi loluhlupho lusuke lwengezelelwa yikuqhmuka kweCOVID-19 emhlabeni jikelele.

Facebook Forum

XS
SM
MD
LG