amalinks wokungena

Breaking News

UDokotela Mkhululi Moyo Odabuka eZimbabwe Ongomunye Wabavumbulule iOmicron Uthi Kuyadanisa Okwenziwa Ngamazwe Entshonalanga


UDokotela Sikhulile Moyo, obona ngemikhuhlane ehlasela abantu abanengi eBotswana Harvard AIDS Institute Partnership uthi kuyadanisa okwenziwe ngamazwe entshonalanga avimba abavela eSouthern Africa. (AP)
UDokotela Sikhulile Moyo, obona ngemikhuhlane ehlasela abantu abanengi eBotswana Harvard AIDS Institute Partnership uthi kuyadanisa okwenziwe ngamazwe entshonalanga avimba abavela eSouthern Africa. (AP)

UDokotela Sikhulile Moyo, odabuka eZimbabwe osebenza eBotswana Harvard AIDS Institute Partnership, ngomunye wabahlolisisa igciwane leCOVID-19 babona ukuba liyaguquka libe ngumkhakha oweOmicron.

UDokotela Moyo utshele inkampani yezindaba eyeAssociated Press ukuthi udaniswe ngokwenziwe ngamazwe atshiyeneyo avimba indizamtshina ezivela kwele Zimbabwe, South Africa, Botswana, Eswatini, Lesotho, Namibia lamanye kulandela ukutholakala komkhakha oweOmicron, omemetheka emhlabeni wonke jikelele emhlubulweni wezansi yezwekazi leAfrica.

UDokotela Moyo uthi okwenziwe ngamazwe la kwephula inhliziyo ngoba sokujeziswa labo abafumane igciwane leOmicron. Uthi kumele amazwe wonke asebenza ndawonye ukwenzela ukuvikela uzulu kumkhuhlane weCOVID-19.

Uhulumende wakwele Zimbabwe uthi selimemetheka igciwane leOmicron elizweni lapho okulezifundi ezimbalwa ezihlolwe eMasvingo Teachers College zatholakala zilegciwane leli. Kulabanye abafunda ekolotshini leli abathaphe igciwane leOmicron.

Uhlangothi lwezempilakahle lubika ukuba abantu abedlula inlulungwane - 1.042 bahlolwe ngoLwesihlanu eZimbabwe batholakala belegciwane leCOVID-19.

XS
SM
MD
LG