WASHINGTON —
Amapholisa abophe indoda eHarare ngoMgqibelo etholakale ilekhanda lomuntu emoteni ebitshontshiwe.
Isikhulumeli samapholisa uSenior Assistant Commissioner Charity Charamba uthi lokhu kwenzakale eBelvedere.
UCharamba kafisanga ukukhuluma okunengi ngodaba lolu njalo lokuveza igama lomuntu obotshiweyo loqunywe ikhanda.
Isidumbu sofileyo sitholakale esambuzini eWorkington Industrial Site.
Abantu beZimbabwe bacabangela ukuthi izitho zomzimba zisetshenziswa ukuloya kumbe ekuthuthukiseni amabhizimisi alabo abagangileyo.