BULAWAYO —
Umkhokheli welinye lamacele eMovement for Democratic Change (MDC), uMnumzana Morgan Tsvangirai, ngoLweSine utshele abasekeli bebandla lakhe koBulawayo ukuthi baphume ngobunengi bayevota besamukela isisekelo esitsha sombuso ngoba siletha indlela entsha yokubuswa kwelizwe.
Lokhu ukutsho komunye wemihlangano yakhe ayenza labasekeli bakhe ngaphambilini kokhetho lweReferendum olwenziwa ngoMgqibelo, mhlaka 16 ngoMbimbitho.
Ekhuluma emkhankasweni wokudinga usekelo lwesisekelo esitsha sombuso, uTsvangirai uthi ugwalo lolu luzoguqula umkhuba kahulumende wokuphatha uzulu ngochuku, emenza isitha esidinga ukulwiswana laye yena kunguye insika yelizwe ekhetha inkokheli.
Uthi kuyadingeka ukuthi uzulu avikelwe kuhulumende olwisana laye esebenzisa ibutho lamapholisa okulinyathelo elithethwe yisisekelo sombuso esitsha lesi.
UTsvangirai uqhubeke esithi ugwalo lwesisekelo sombuso esitsha kumele lwamukelwe ngoba lukhuluma ngokuqakatheka kokwaba imali lenotho yelizwe ngokulingayo hatshi ukuthi izigaba ezithile labantu abathile baqhubeke behuquluza inotho yelizwe.
Ekhuluma emkhankasweni munye, umgcinisihlalo walelibandla, uMnu. Lovemore Moyo, uthe kuqakathekile ukuthi sonke isizalwane sakuleli sisukume siyevota ngoba isisekelo esitsha sombuso lesi siyingxenye eqakathekiyo yenguquko eyathenjiswa ilizwe libandla le MDC-T.
Ibandla leli liphakathi kwemikhankaso le kanye lamabandla eZanu-PF le MDC ekhokhelwa nguMnu. Welshman Ncube ukuthi uzulu aphume ayevota kureferendamu ngoMgqibelo.
Silokhe sisedabeni lweReferendum, uMnu. Mpumelelo Gumbo ohlala edolobheni le Victoria Falls uthi kumele abantu bamukele isisekelo esitsha sombuso welizwe ngoMqgibelo.
UMnu. Enias Fube ohlala eHwange West esabelweni se Matabeleland North uthi izabelo zizathuthuka nxa uzulu angavotela isisekelo esitsha sombuso welizwe.
Lokhu ukutsho komunye wemihlangano yakhe ayenza labasekeli bakhe ngaphambilini kokhetho lweReferendum olwenziwa ngoMgqibelo, mhlaka 16 ngoMbimbitho.
Ekhuluma emkhankasweni wokudinga usekelo lwesisekelo esitsha sombuso, uTsvangirai uthi ugwalo lolu luzoguqula umkhuba kahulumende wokuphatha uzulu ngochuku, emenza isitha esidinga ukulwiswana laye yena kunguye insika yelizwe ekhetha inkokheli.
Uthi kuyadingeka ukuthi uzulu avikelwe kuhulumende olwisana laye esebenzisa ibutho lamapholisa okulinyathelo elithethwe yisisekelo sombuso esitsha lesi.
UTsvangirai uqhubeke esithi ugwalo lwesisekelo sombuso esitsha kumele lwamukelwe ngoba lukhuluma ngokuqakatheka kokwaba imali lenotho yelizwe ngokulingayo hatshi ukuthi izigaba ezithile labantu abathile baqhubeke behuquluza inotho yelizwe.
Ekhuluma emkhankasweni munye, umgcinisihlalo walelibandla, uMnu. Lovemore Moyo, uthe kuqakathekile ukuthi sonke isizalwane sakuleli sisukume siyevota ngoba isisekelo esitsha sombuso lesi siyingxenye eqakathekiyo yenguquko eyathenjiswa ilizwe libandla le MDC-T.
Ibandla leli liphakathi kwemikhankaso le kanye lamabandla eZanu-PF le MDC ekhokhelwa nguMnu. Welshman Ncube ukuthi uzulu aphume ayevota kureferendamu ngoMgqibelo.
Silokhe sisedabeni lweReferendum, uMnu. Mpumelelo Gumbo ohlala edolobheni le Victoria Falls uthi kumele abantu bamukele isisekelo esitsha sombuso welizwe ngoMqgibelo.
UMnu. Enias Fube ohlala eHwange West esabelweni se Matabeleland North uthi izabelo zizathuthuka nxa uzulu angavotela isisekelo esitsha sombuso welizwe.