WASHINGTON —
Uhulumende usecele amanye amazwe lenhlanganiso ezizimeleyo ukuthi zincedise izizalwane zeZimbabwe ezedlula izigidi ezinhlanu ngokudla, ngesikhathi eleMelika lisithi selidingela usizo olufanayo elizweni kusukela kunyanga ezayo kusiya ngoMbimbitho.
Isiphathamandla sikahulumende, uNkosikazi Sekai Nzenza, wethule lumbiko ngoLwesibili, kwathi uMnu. Brian Nichols, omela isigodlo seMelika eZimbabwe waveza ukuthi ilizwe lakhe lizasiza abantu abedlula inkulungwane ezingamakhulu amathathu ngokudla.
UMnu. Vumani Ndlovu, isiphathamandla senhlanganiso yeRural Communities Empowerment Trust, utshele uSithandekile Mhlanga weStudio 7 ukuthi ngempela indlala ibhahile, ikakhulu emaphandleni.