amalinks wokungena

Breaking News

EleMelika Lithi Umnotho Wakwele Zimbabwe Ubhidlizwa Yikwehluleka Ukubusa Hatshi Izijeziso Zenotho Abafuna Zesulwe


FILE - UAmbassador Linda Thomas-Greenfield, omele ilizwe leMelika kunhlanganiso yamazwe omhlaba wonke jikelele.

UNkosikazi Linda Thomas Greenfield, omele eleMelika kunhlanganiso eyeUnited Nations, uthi ilizwe lakhe kalamukeli okwethulwe nguNkosazana Alena Douhan, obethunywe yinhlanganiso le ukuyahlolisisa umonakalo odalwa yizijeziso zenotho eZimbabwe.

Inkampani yezindaba eyeNewZimbabwe.com ibika ukuba uNkosikazi Greenfield wethule lokhu ngoLwesihlanu emhlanganweni omkhulu oweUnited States Africa Regional Hub.

Uthe okwenzekala eZimbabwe kudalwa yikwehluleka ukubusa hatshi izijeziso zenotho.

UDouhan ulobe ugwalo olujulileyo esithi kumele zesulwe izijeziso zenotho ezafakelwa inkokheli yebandla leZanu PF athi zibhidliza umnotho welizwe leZimbabwe.

Izijeziso lezi zafakelwa inkokheli yabandla leZanu PF okwakuthiwa yephula ilungelo loluntu njalo yehluleka ukuqhuba ukhetho lukazulu.

Facebook Forum

XS
SM
MD
LG