amalinks wokungena

Breaking News

Senator Mlotshwa: Akumelanga Kusokwe Abantwana


Omela isigaba seMatobo edale leSenate, uNkosikazi Sithembile Mlotshwa, uthi usekhulumisana labanye bakhe ukwenzela ukuthi kungasokwa abantwana abasesebancane bonke ezibhedlela kwele Zimbabwe.

UNkosikazi Mlotshwa uthi uzakwethula lesi sicelo edale lephalamende kunsukwana ezilandelayo njengoba abazali babatwana abalakho ukusokwa besithi kabafuni lokhu kwenziwe.

Uthi uhlelo oluqhutshwa eZimbabwe lamanye amazwe awezwekazi le Africa olubhadalelwa indleko zinhlanganiso ezitshiyeneyo zomhlaba kumele luqondiswwe ebantwini asebekhulile asebelakho ukuzikhethela ukusokwa hatshi insane.

Uhlelo lokusoka abantwana labesilisa asekhulile lwasungulwa kwele Zimbabwe ngomnyaka ka 2009.

Kukhangelelwe ukuthi kuzasokwa abesilisa abangaba yisilinganiso sokungamatshumi ayisitshiyangalombili ekhulwini – 80 percent kusiya fika umnyaka ka 2015.
XS
SM
MD
LG