amalinks wokungena

Breaking News

Simon Khaya Moyo: Sezisebenza Zikhululekile Intathelizindaba eZimbabwe


UMnu. Simon Khaya Moyo.

Intathelizindaba ziphathiswa zinhlanganiso ezizimele zodwa ngoLwesine zinanze usuku lokuqakathekisa imisebenzi yokwethula izindaba olwe World Press Freedom Day.

Abasemkhosini lo eHarare bakubeke sobala ukuthi intathelizindaba akumelanga zithabe zedlulise amalawulo ngokususa kowayengumongameli uMnu. Robert Mugabe esikhundleni ngoba kukhanya izenzo zakhe ziqhubekela phambili ngaphansi kukahulumende kaMongameli Emmerson Mnangagwa.

Obengumhlonitshwa kunanzwa imisebenzi yentathelizindaba, uAmbassador Simon Khaya Moyo, uthe intathelizindaba sezisebenza sikhululekile ngaphansi kukahulumende kaMnangagwa nxa kuqathaniswa lohulumende kaMugabe.

UKhaya Moyo uthe sezimbalwa izehlakala sokuhlukunyezwa kwentathelizindaba eZimbabwe.

Kodwa iziphathamandla zenhlanganiso ezehlukeneyo okugoqela abe Zimbabwe Editors’ Forum (ZINEF) zithi kusesemasinya ukuthi kuthiwe umumo usuguqukile.

UMnu. Njabulo Ncube owe ZINEF uthi intathelizindaba zingaziyengi ngalamazwi kaMoyo.

Uqhubeke esithi uhulumende akakazinikeli ukuletha inguquko emithethweni elawula ukusebenza kwentathelizindaba zikhululekile.

Iziphathamandla zenhlanganiso ezinengi ezimela amalungelo entathelizindaba zitshengise ukukhathazeka ngokwenza kukahulumende obonakala ukuba lokhe eqhubeka ngemithetho encindezela ukusebenza kwazo zikhululekile ngoba ingumgoqo.

Owalonyaka umkhosi unanzwa phansi kwesihloko esithi ‘Keeping Power in Check: Media, Justice and the Rule of Law ‘.

Njengenhlalayenza uphumelele ngokuthola usizo ngabenhlanganiso yeUnited Nations Education, Scientific and Cultural Organisation.

Udaba Esilethulelwe NguMavis Gama
please wait

No media source currently available

0:00 0:03:31 0:00

Facebook Forum

XS
SM
MD
LG