Amapholisa kwele Zimbabwe athi akumelanga abantu badabule amaposters alabo abancintisa kukhetho oluzayo.
Athi banengi abancintisa kukhetho oluzayo abakhala ngokudatshulelwa amaposters abawafaka emphakathini endaweni ezinjenge mduli, izihlala lokunye okusemehlweni kazulu.
Athi kulicala ngaphansi komthetho we Electoral Act ukuthi abantu badabule amaphepha la.
Ekhuluma emhlanganweni wamapholisa lentathelizindaba esigodlweni samapholisa eHarare, uSenior Assistant Commissioner Erusmus Makodza, uthi bazabotshwa abatholakala besephula umthetho ngaleyo ndlela.
“… IZimbabwe jikelele ikhanya ilokuthula kodwa kulamacala ayenziwa ngabantu bengazi ukuthi kungamacala amakhulu. Indaba yokuthi abantu badabule ama poster awama political candidates kulicala elikhulu. Siyacela libekwazi ukuthi thina njenge ZRP, ngeElectroral Act sizabona ukuthi wonke umuntu ozabe eqamula umthetho lo sizamfaka izankosi njalo simhambise ejele. Ijele lokudabula iposta lomuntu uyathola iminyaka embili, kusitsho ukuthi uyabe ungasakwanisi ukuvota lonyaka”.
UMnu. Mehluli Maphosa, isakhamuzi seHarare, uthi amapholisa kumele angakhulumi ngomlomo kuphela ngokubopha abenza lokhu.
Amapholisa atshayele ihlombe uzulu weZimbabwe ngokuthula okuselizweni ngales’ikhathi sokhetho okuvame ukuba lokuxokozela lodlakela eminyakeni edluleyo.
Kodwa bayavuma ukuthi kulezinye indawo udlame oluke lwabonakala okuyinto inengi leZimbabwe lisakhangelele ukuthi amapholisa asebenze gadalala ukuze kungabi lezehlakalo zokutshaywa lokwethuselwa kwabantu ngesikhathi sokhetho.Amapholisa acabangela ukuthi ukwanda kwezehlakalo zokudatshulelwa kwama poster
Indawo ezinjenge Harare zibonakala zilama poster adatshulweyo kumba amanye enamathiselwe phezu kwawabanye.
Kodwa inengi labantu likhanya lingazi ukuthi ukukhupha lawo maposter licala elikhulu elingakhokhekhelela ekuvalelweni komangalelweyo aphike okweminyaka efika emibili.
