amalinks wokungena

Breaking News

UKoffi Annan Labanye Abahlonitshwa Abenhlanganiso yeThe Elders Bafika Kwele Zimbabwe


UKoffi Annan labanye abahlonitshwa abazekhangela ezokhetho kwele Zimbabwe. (Photo: Jonga Kandemiiri)

Iqula labadala abahloniphekayo ababizwa ngokuthi ‘The Elders’ elikhokhelwa ngowake waba ngunobhala jikelele wenhlanganiso yomanyano wamazwe womhlaba eye United Nations, uMnu Koffi Annan, selise Zimbabwe namhlanje ukuzozibonela isimo esiselizweni ngaphamilini kokhetho lwalonyaka.

Iqula leli elikhangelelwa ukuhlangana lenkokheli yekhomishini ebona ngezokhetho eye Zimbabwe Electoral Commission (ZEC), abenhlanganiso ezizimeleyo, intathelizindaba labanye, lizaba liselizweni kusukela mhlaka 19 kusiya ku 21 Ntulikazi 2018.

Abahlonitshwa laba baqala lumsebenzi wokukhankasela ukuthula emhlabeni jikelele bekhokhelelwa ngowaba nguMongameli wakuqala weSouth Africa ekhululekileyo, umuyi uMnu. Nelson Mandela.

UAnnan wamukelwe enkundleni yendizamtshina eye Robert Mugabe International Airport ngummeli we United Nations eZimbabwe, uMnu Bishow Parajul.

UMnu. Mlungisi Dube ingcwethi ecubungula ezombusazwe uthe kuyabongeka lokhu okwenziwa ngabanhlonitshwa laba.

Lokhu kusekelwe ngu Mnu Bekezela Gumbo isakhamuzi seHarare yena othe lokhu kunganceda ekuvikeleni udlakela kukhetho.

Ele Zimbabwe selivumele inhlanganiso ezizimele zodwa ukuthi zize ukuzohlola ukhetho lwalonyaka.

Ngaphandle kuka Annan abazabuya eZimbabwe nguNkosikazi Mary Robison owayengumongameli wakwele Ireland njalo ekukomishini enkulu yamalungelo oluntu ku United Nations lo wayemela ele Algeria kwamanye amazwe uMnu. Lakhdar Brahimi njalo eyisiphathaadla seUnited Nations.

Udaba Esilethulelwe NguGibson Bhebhe
please wait

No media source currently available

0:00 0:04:12 0:00

Facebook Forum

XS
SM
MD
LG