amalinks wokungena

Breaking News

Amalunga Edale Lephalamende Awasabhadali Umthelo WamaToll Gates


Zimbabwe Toll Gates

Amalunga aweMDC athi akunanzelela ukuthi amalunga aweZANU PF ayevele engabhadali umthelo wama Toll Fees ngakhoke bakubona kufanele ukuthi bacele labo ukungabhadali

Amalunga edale lephalamende athi uhulumende useze wabanika imvumo yokuthi bengabhadali imali edingakalayo nxa bedlula entungweni zama toll gates njengoba isikhathi esinengi beyabe behamba ngomsebenzi walelidale.

Amalunga akhulume leStudio 7 athi anikwe ingwalo zama certificates kanye lamaphetshana ama stickers awokunamathisela kumafasitela emota zawo, ukwenzela ukuthi iziphathamandla zenhlanganiso yeZimbabwe National Road Administration (ZINARA) zibananzelele lula nxa besedlula.

UMnu. Albert Mhlanga, omela iLuveve edale lephalamende njalo elilunga lekhomithi yalelidale ebona ngemota zokuhambisa, engowebandla le MDC-T utshele uSithandekile Mhlanga weStudio 7 ukuthi ibandla lakhe lananzelela ukuthi amalunga elelidale aweZANU PF ayevele engasabhadali umthelo wama Toll Fees nxa esebenzisa imota ezaphiwa amalunga alelibandla wonke ayencintisa kukhetho olwedluleyo olokudinga abammeli balelidale.

XS
SM
MD
LG