amalinks wokungena

Breaking News

Abantu Batshengisela Emigwaqweni Besola Ngokungaguquki Kwezokuqhuba Ukhetho Lonyaka


Abantu beZimbabwe bathi bafuna ukhetho olubalulekileyo lonyaka.
Abantu beZimbabwe bathi bafuna ukhetho olubalulekileyo lonyaka.

Inhlanganiso ezizimeleyo zomanyano weCrisis in Zimbabwe Coalition (CIZC), zethulela idale lephalamede izikhalazo zokumele kwenziwe kungakenziwa ukhetho lonyaka.

Amalunga enhlanganiso lezi atshengisele emigwaqweni ngoLwesine ekhonona ngokuthi ukhetho lweZimbabwe lulakho ukungaqhutshwa ngemfanelo njengalokho okwenzakala ngesikhathi sokhetho.

Lanxa amapholisa ebalele ukuthi bafole edolobheni, kwathiwa bayebuthana eAfrica Unity Square, baqinise amakhanda batshengisela bebhoda endaweni le behlabela ingoma eziveza ukuqakatheka kokuguqulwa kwemithetho elawula ngezokhetho.

Abantu beZimbabwe bathi bafuna ukhetho olubalulekileyo lonyaka.
Abantu beZimbabwe bathi bafuna ukhetho olubalulekileyo lonyaka.

Basole kakhulu indlela amankampani athapha ngayo izindaba okubalisa eye Zimbabwe Newspapers leZimbabwe Broadcasting Corporation.

Umgcinisihlalo weCIZC, uMnu. Rashid Mahiya, uthi sebesungule umkhankaso obizwa ngokuthi #100% Feya Feya in 2018 ngowokuthi kulungiswe konke ohuhambelana lezokhetho.

UMahiya uthi bafuna inguquko hatshi kukhetho oluka 2018 kuphela kodwa loluzakwenziwa kwelakusasa.

Umqondisi weCrisis in Zimbabwe Coalition, uMnu. Thulani Mswelanto, uthi bakhankasela ukuthi kuqhutshwe ukhetho olubalulekileyo oluzakwamukelwa kahle ngabantu bonke eZimbabwe lakwamanye amazwe.

Okubacunulayo uMswelanto uthi yimpendulo abayithole kunsukwana ezisanda kwedlula, kusikhalazo abasethula eminyakeni emithathu edluleyo, ngodaba lokuphuza kukahulumende ukuguqula umthetho olawula ngezokhetho elizweni.

Umkhokheli welinye lamabandla aphikisayo le MKD, uMnu. Gastaff Kativhu.
Umkhokheli welinye lamabandla aphikisayo le MKD, uMnu. Gastaff Kativhu.

Omunye wabakumkhosi endaweni yeAfrica Unity Square, uMnu. Charles Nyoni, owayebambisana lo Itai Dzamara owathunjwa ngomnyaka ka2015 ekhankasela ukuthi uMnu. Robert Mugabe asuke esikhundleni, ukhuthaza abakubutho ukuba baphume baphele kwezombusazwe.

UMnu. Conrad Gweru, obona ngezokhukulumisana kuCiZC, uthi abangakho yikuba kube lenguquko kwele Zimbabwe uhulumende kaMnangagwa azigcwalise izithembiso azenza emhlabeni wonke.

Lokhu kusekelwe nguMnu. Ashley Pfunye, unobhala jikelele wenhlanganiso yezifundi eyeZimbabwe National Student Union, othi kudingakala ukuthi uhulumende azimisele ukuletha linguquko.

Akekho ohlukunyeziweyo kulesi sehlakalo lanxa kuke kwaba lokuxokozela, amapholisa ebavimba abantu laba betshengise bethwele amakani amanye abekade ethethisa uMongameli Emmerson Mnangagwa, uhulumende weZimbabwe lebutho leZimbabwe Defence Forces.

XS
SM
MD
LG