amalinks wokungena

Breaking News

Ingcwethi Zomnotho Zihlaziya Okwenzakala eZimbabwe


Akade besembuthanweni wokuhlaziya okwenzakala kwele Zimbabwe ...

Ingcwethi kwezenotho ngoLwesibili bezidlana ingqondo eMelika ngokuvuselela umnotho welizwe leZimbabwe ogugudeke okumangalisayo.

Ingxoxo mpikiswano le yenzelwe eCato Institute eWashington DC ngesikhathi ilizwe leZimbabwe lilomnotho ophose ufane lowelizwe leVenezuela elilabantu abampofu abedlula wonke amazwe omhlaba jikelele.

Ezinye ingcwethi eziphatheke kungxoxo mpikswano le zikubeke sobala ukuthi ilizwe leZimbabwe libhidlizwa ngokwenziwa libandla elibusayo.

Ingcwethi kwezombusazwe, uMnu. Marian Tupy, obenguye umlawuli walingxoxo mpikiswano, uthe eleZimbabwe liqhubekela phambili libabazwa ngabantu hatshi ngabakulelolizwe kuphela kodwa labadabuka kwamanye amazwe abangafuni ukuba kusimo esifanayo.

Intathelizindaba eseyasebenza okwesikhathi kuzwekazi leAfrica, uMnu. Barry Wood, uthe kuyethusa okwenzakala kumnotho welizwe leZimbabwe emnyakeni elitshumi lasikhombisa eyokucina kombuso kaMnu. Robert Mugabe.

Uthe okulusizi yikuthi akuqedakali ukuthi ilizwe leli lingasuka njani kulobubunzima.

Uthe eleZimbabwe langena emdlindini ongelankawulo ngakho kunzima ukuphuma kuwo.

Kudaba lwezijeziso zenotho ezafakelwa inkokheli yebandla leZanu PF ngamazwe entshonalanga, uthe kunzima ukuzisusa ngoba uhulumende weZanu PF ugcwele abantu abangathembekanga.

Eyinye njalo ingcwethi, uMnu. Steve Hanke, uthe ugwalondaba lweWorld Economic Outlook Database luveza ukuthi eleZimbabwe kuthiwa lilobuyanga okokuthi phakathi kwamazwe wonke omhlaba jikelele likusigaba sokulikhulu lamatshumi ayisithupha lanye (161).

Uthe ukuze ilizwe liphumelele kumele lisebenzise icebo elithiwa yiSingapore Strategy’.

Owakewabangumphathintambo wakwele Ghana uMnu. Gyude Moore laye oseyingcwethi kunhlanganiso yeCato Institute uthe udobo lweZimbabwe yikuthi inkokheli yezwekazi leAfrica ayikhuzani lanxa abanye besenza okungaqondanga kwezomnotho lezombusazwe.

Uthe umphathintambo wezamali uMnu. Mthuli Ncube ngumuntu ofundileyo njalo ofanele isikhundla lesi.

UNcube obesembuthanweni lo uthe uhlupho yikuthi kudaba lweZimbawbe izibonelo zokugugudeka komnotho ezisetshenziswayo kaziqondanga.

Udaba Esilethulelwe NguChris Gande
please wait

No media source currently available

0:00 0:04:35 0:00

Facebook Forum

XS
SM
MD
LG