UMongameli Emmerson Mnangagwa uthi ilizwe leMelika kumele lesule izijeziso zenotho ezetheswa inkokheli yebandla leZanu PF njengoba lingela mbuso obalulekileyo.
UMnangagwa wethule umbiko enkundleni yokuxhumana eyeTwitter ngoLwesithathu esithi okwenzakale ngoLwesithathu eCapital Hill ehlaselwe ngabasekeli baka Mongameli Donald Trump kuveza ukuba ilizwe leli kalilalungelo lokukhuza amanye kwezombusazwe.
“Ngomnyaka ophelileyo uMongameli Donald Trump wavuselela izijeziso zenotho ezafakelwa eleZimbabwe esithi uhulumende wakwele Zimbabwe kahloniphi amalungelo oluntu. Okwenzakale izolo kuveza ukuba eleMelika kalila lungelo lokujezisa amanye. Kumele zesulwe khonamanje izijeziso zenotho.”
Omunye wabalandeli bakhe, uMnu. Effort Maguta, uphendule okwethulwe nguMnangagwa esithi kumele eleZimbabwe lifakele eleMelika izijeziso zenotho.
Kodwa kulabanye njalo abantu abagoqela uMnu. Andile Moyez, uNkosazana Tatenda Kajau, uMnu. Tendai Zinyama labanye abathi kumele uMnangagwa akhangele okwenzakala emngceleni welizwe eBeitbridge, okulabantu abanengi abazama ukungena kwele South Africa, njalo langomkhuhlane weCOVID-19, obulala abantu abanengi.
Ilizwe leMelika, eleBhilithane lamanye afakela inkokheli yabandla leZanu PF izijeziso zenotho kulandela ukungaqhutshwa ngemfanelo ukhetho lokwephulwa kwamalungelo kazulu.