WASHINGTON DC —
Abantu makhaza eZimbabwe bathi kumnyama phambili ngakho-ke ababoni impilo yabo iguquka ngalumnyaka omutsha osungulwe ngoLwesithathu ngenxa yesimo esibi somnotho welizwe.
Abantu esikhulume labo eMasvingo, Victoria Falls, Bulawayo, Harare lakwezinye indawo zelizwe bathe lanxa befisa ukuthi impilo yabo ithuthuke lonyaka kodwa lokhu kungabiselwa muva yikugugudeka komnotho welizwe.
Bacabangela ukuthi impilo yabo ingabuyela emuva kufane lesikhathi lapho ababelamba khona kusukela ngomnyaka ka 2000 kwaze kwayafika umnyaka ka 2009 ibandla le Zanu PF lisabusa lodwa.
Bathi bahlalela evalweni nxa becabanga ngokuthi amankampani amanengi ayavala elizweni ngenxa yokuswela imali yokulungisa impahla yokuthengisa.
Bathi inengi labo lilakho ukulahlekelwa ngumsebenzi lonyaka njengoba amankampani evala. Ibandla likaMongameli Robert Mugabe lithi uzulu kumele abelethemba lokuthi impilo yabo izathuthuka lonyaka.
UGibbs Dube weStudio Seven uxoxe loMnu. Jabu Ndlovu eChiredzi othe impilo yakhe useyifake ezandleni zikasomandla.
UDube uphinde waxoxa njalo loMnu. Gary Mazula osedolobheni le Victoria Falls othi ufisa ukuthi uhulumende anike amabhizimisi asanda kusungulwa imali yokuwathuthukisa.
Abantu esikhulume labo eMasvingo, Victoria Falls, Bulawayo, Harare lakwezinye indawo zelizwe bathe lanxa befisa ukuthi impilo yabo ithuthuke lonyaka kodwa lokhu kungabiselwa muva yikugugudeka komnotho welizwe.
Bacabangela ukuthi impilo yabo ingabuyela emuva kufane lesikhathi lapho ababelamba khona kusukela ngomnyaka ka 2000 kwaze kwayafika umnyaka ka 2009 ibandla le Zanu PF lisabusa lodwa.
Bathi bahlalela evalweni nxa becabanga ngokuthi amankampani amanengi ayavala elizweni ngenxa yokuswela imali yokulungisa impahla yokuthengisa.
Bathi inengi labo lilakho ukulahlekelwa ngumsebenzi lonyaka njengoba amankampani evala. Ibandla likaMongameli Robert Mugabe lithi uzulu kumele abelethemba lokuthi impilo yabo izathuthuka lonyaka.
UGibbs Dube weStudio Seven uxoxe loMnu. Jabu Ndlovu eChiredzi othe impilo yakhe useyifake ezandleni zikasomandla.
UDube uphinde waxoxa njalo loMnu. Gary Mazula osedolobheni le Victoria Falls othi ufisa ukuthi uhulumende anike amabhizimisi asanda kusungulwa imali yokuwathuthukisa.