amalinks wokungena

Kwenziwa Umhlangano Oqakathekileyo Wabathengisa Impahla Emigwaqweni

  • Mavis Gama

Kwenziwa umhlangano wabathengisa impahla etshiyeneyo.

Amapholisa avimbe isiphathamandla seyinye inhlanganiso esebenzelana lozulu phambi kwe Anglican Cathedral emhlanganweni wabaphila ngokuthengisa eHarare.

Umqondisi wenhlanganiso yeCombined Harare Residents Association, uMnu. Mfundo Mlilo, ubefuna ukungena umhlangano wokudinga imibono kazulu phezu kwenkulumo kahulumende yokuba abaphila ngokuthengisa yibo ababangela ukusabalala komkhuhlane wesihudo se-typhoid.

Abaphila ngokuthengisa laba baqoqe lumhlangano ngenjongo yokupha imibono yabo phezu komlandu abawetheswayo lokwenzakala ngesikhathi behlukunyezwa ngumanisipala.

Bathi abasoze basuka emigwaqweni ngoba kuyiyo indlela kuphela esisele kibo eyokuselela imuli zabo.

Sokungenwe eminye efanayo emizini ebalisa eChitungwiza, Kuwadzana, Mufakose le Budiriro.

UMlilo uveze ukuba lokhu kwenza kwamapholisa kumenze wehluleke ukungena umhlangano wangoLwesine ngakho-ke kusobala ukuba abejonge ukumhlupha edinga ukufumbathiswa lapho embeka umlandu wokuba umise imota yakhe endaweni engayisiyo.

Kungxoxo ayenze lalomsakazo we Studio 7 sokwenzwe umhlangano lo, uMlilo uthi lokhu yikho khona kanye okwaliwa nguzulu ofuna kuphele ukungathembeki ngoba sokubulele ilizwe.

UMnu. Simbarashe Moyo, umgcinisihlalo wenhlanganiso yezakhamizi zeHarare eyeCombined Harare Residents Association.
UMnu. Simbarashe Moyo, umgcinisihlalo wenhlanganiso yezakhamizi zeHarare eyeCombined Harare Residents Association.

Omunye wabangene lumhlangano ophila ngokuthengisa, uNkosazana Thandiwe Nkala, uthe sesifikile isikhathi sokuziphumela mgceke lezi ziphathamandla ukuba yizo esezibangele umonakalo elizweni, hatshi yena labanye bakhe.

Ulandule ukuba abathenga bethengisa impahla yibo abenza kube lomkhuhlane wesihudo endaweni ezinengi zelizwe.

Umnumzana John Mangwayanana, ophila ngokuthengisa, laye uthe sokuzamele kuthathwe amanye amanyathelo okuzivikela..

Lomhlangano ungenwe ngamalunga leziphathamandla zenhlanganiso ezibalisa eye Combined Harare Residents Association ( CHRA ), Vendors Initiative for Social and Economic Transformation (VISET), Zimbabwe Chamber of Informal Economy Associations (ZCIEA) labaze bevela kweye Amalgamated Rural Teachers Union of Zimbabwe (ARTUZ ).

Facebook Forum

XS
SM
MD
LG