WASHINGTON DC —
Idale lephalamende lamuhla litshelwe yiziphathamandla zeStanbic Bank ukuthi kulenkokheli yebandla le Zanu PF eyathola imali yezikwelede okwakumele inikwe abasakhulayo abeleminyaka engedluli amatshumi amathathu lanhlanu - 35.
Omele ibhanga leli kwezamabhzimusi, uMnu. Patson Mahachi, utshele ikhomithi yedale lephalamende ebona ngezabasakhulayo lohlelo lokwabela uzulu amashares ukuthi ezinye iziphathamandla zebandla leli zathola inkulungwane ezingamakhulu amahlanu - $500,000 umuntu munye ngamunye.
Ingcwadi ezijulileyo ezivezwe nguMahachi zitshengisa ukuthi abanye babo nguMnu. Makhosini Hlongwane omele iMberengwa East kudale lephalamende loMnu. Chamu Chiwaza umsekeli womqondisi we Affirmative Action Group.
Kasenelisanga ukukhuluma lababili laba njengoba kade bengaphenduli omakhalekhukhwini.
Idale lephalamende litshelwe ukuthi kwakumele imali le itholwe ngabasakhulayo kuphela hatshi iziphathamandla zikahulumende ikakhulu abantu abedlula iminyaka engamatshumi amathathu lanhlanu – 35.
Ikhomithi le iphinde yatshelwa njalo ukuthi inengi lalabo abathola imali le ngabantu abahlala eHarare.
Kulabantu abathathu kuphela abathola imali le eMasvingo kodwa-ke akula loyedwa qha owenelisa ukuthola izikwelede lezi esabelweni seMatabeleland South. Izikwelede lezi kwakumele zingedluli inkulungwane ezingamatshumi amabili amadollar eMelika – 20,000 umuntu oyedwa.
Ikhomithi le izwe njalo ukuthi labo abenelisa ukuyithola imali le kabenelisi ukubhadala izikwelede zabo. Isikhwama semali le sabunjwa libhanga leStanbic nyakenye.
Ukuze sihlaziye udaba lolu, akesizwe uMnu. Morris Ngwenya osekela ibandla le Zanu PF loMnu. Bekezela Maduma isakhamuzi seGwanda njalo oyingcwethi kwezombusazwe bexoxa ngodaba lolu loGibbs Dube we Studio 7.
Omele ibhanga leli kwezamabhzimusi, uMnu. Patson Mahachi, utshele ikhomithi yedale lephalamende ebona ngezabasakhulayo lohlelo lokwabela uzulu amashares ukuthi ezinye iziphathamandla zebandla leli zathola inkulungwane ezingamakhulu amahlanu - $500,000 umuntu munye ngamunye.
Ingcwadi ezijulileyo ezivezwe nguMahachi zitshengisa ukuthi abanye babo nguMnu. Makhosini Hlongwane omele iMberengwa East kudale lephalamende loMnu. Chamu Chiwaza umsekeli womqondisi we Affirmative Action Group.
Kasenelisanga ukukhuluma lababili laba njengoba kade bengaphenduli omakhalekhukhwini.
Idale lephalamende litshelwe ukuthi kwakumele imali le itholwe ngabasakhulayo kuphela hatshi iziphathamandla zikahulumende ikakhulu abantu abedlula iminyaka engamatshumi amathathu lanhlanu – 35.
Ikhomithi le iphinde yatshelwa njalo ukuthi inengi lalabo abathola imali le ngabantu abahlala eHarare.
Kulabantu abathathu kuphela abathola imali le eMasvingo kodwa-ke akula loyedwa qha owenelisa ukuthola izikwelede lezi esabelweni seMatabeleland South. Izikwelede lezi kwakumele zingedluli inkulungwane ezingamatshumi amabili amadollar eMelika – 20,000 umuntu oyedwa.
Ikhomithi le izwe njalo ukuthi labo abenelisa ukuyithola imali le kabenelisi ukubhadala izikwelede zabo. Isikhwama semali le sabunjwa libhanga leStanbic nyakenye.
Ukuze sihlaziye udaba lolu, akesizwe uMnu. Morris Ngwenya osekela ibandla le Zanu PF loMnu. Bekezela Maduma isakhamuzi seGwanda njalo oyingcwethi kwezombusazwe bexoxa ngodaba lolu loGibbs Dube we Studio 7.