amalinks wokungena

Breaking News

Kuvuselelwa Ibandla leZapu


Basemhlanganweni weqembu leZapu ...

Ibandla leZapu namuhla liqhube umhlangano walo omkhulu wokudinga uxhaso kwele South Africa.

Bavuselela ibandla leZapu kwele South Africa.
Bavuselela ibandla leZapu kwele South Africa.

Umhlangano lo oqhutshelwe eBerea Park eJohannesburg ubungowakuqala ngemva kokubhubha komkhokheli webandla leZAPU umuyi uDumiso Dabengwa.

Umsekeli obona ngokuqoqwa kwenhlelo zeZapu elizweni jikelele, uMnu. John Dlamini, uthi bebehlose ukuzokhombisa abasemazweni ukuthi isikhathi sesifikile sokukhupha ibandla leZanu PF embusweni kungene eleZapu.

“… sikhuthaza abantu bakithi ukuthi sibambane, sizame ukukhipha isitha.”

Abalandeli bebandlal eZapu.
Abalandeli bebandlal eZapu.

Umgcinisihlalo waleli bandla kweleSouth Africa, uMnu. Bongani Halimana, uthi sebeqalisile ukukhankasela ukhetho oluzayo.

“Silandela zonke indawo ezigcwele abantu bakithi ikakhulu abatsha. Sifuna beze, bazothatha inhlaka zobukhokheli eqenjini ngoba leli qembu lilempilo. IZimbabwe ma ingakabuswa yiZapu ayingeke iphume enkingeni ekuzo.:

Ilunga leZapu, uNkosazana Angeline Tshuma odabuka eSontala eKezi, uthi iZapu sekuyilo lodwa ithemba asebesele lalo ukulungisa isimo elizweni.

“Angani abantu bangeza ngobunengi bajoyine iZapu. Ikakhulu nginxusa phetsheya labo abase UK-Britain, New York ukuthi abavuke iZapu seyikhona manje.”

Umhlangano webandla leZapu kwele South Africa
Umhlangano webandla leZapu kwele South Africa

Le yinto egcizelelwa ngelinye Ilunga laleli bandla uNkosazana Sitshengisiwe Mpofu.

“Ngiyagqugquzela kakhulu futhi kithina abantwana abahlala la kweleSouth Africa, labomama abahlala la eSouth Africa asiphakameni. Yisikhathi sethu manje ukuthi sibonakalise isimo sethu esiyiso esisenze sazogcwala kuleli lizwe.”

Isikhulumeli sebandla leli, uMnu. Iphithule Maphosa, uthi lumhlangano utshiye abebecabanga ukuthi iZapu isifile bengelankani.

“IZapu kayifi ngokuhamba kukababa uDabengwa, njengoba ingafanga ngokuhamba kukababa uNkomo. Izahlala ikhona njalo izaqina. Lama problems esihlangana lawo azadlula.”

Ezinye inkokheli zalelibandla ezingene umhlangano lo zivela eZimbabwe zigoqela umgcinigcebo, uMnu. Mark Mbayiwa, loMnu. Future Msebele, obona ngobudlelwano balelibandla lenhlanganiso eziphandle kwelizwe.

Udaba Esilethulelwe NguBenedict Nhlapho
please wait

No media source currently available

0:00 0:02:53 0:00

Facebook Forum

XS
SM
MD
LG