amalinks wokungena

Breaking News

ZIMTA: Lathi Siyagcizelela Ukuthi Izikolo Azikalungeli Ngokupheleleyo Ukuthi Zivulwe


UMnu. Sifiso Ndlovu
UMnu. Sifiso Ndlovu

Uhulumende uthi kuzakuba lababalisi abanengi abazakhangela abafundi ngoba bazahlaliswa bebalutshwane endlini yokufundela eyodwa ngendlela yokwenqabela ukumemetheka kwegcikwane leCOVID 19.

Uhulumende usegcizelele ukuthi izikolo sezingavulwa ukwenzela ukuthi abafundi bebhale imihloliso, kulandelwa iziqondiso zeWorld Health Organization ezokwenqabela ukumemetheka kwegcikwane leCOVID19 njalo uthi inengi livumelana laye kuloludaba.

Abaloba imhloliso phansi kwenhlanganiso yeCAMBRIDGE bakhangelelwe ukuvula mhlaka 14 kuyonale inyanga, abeZIMSEC mhlaka 28, njalo ukulotshwa kwemihloliso kusungulwa ekuqaliseni kwenyanga kaMpalakazi.

Uhulumende uthi kuzakuba lababalisi abanengi abazakhangela abafundi ngoba bazahlaliswa bebalutshwane endlini yokufundela eyodwa ngendlela yokwenqabela ukumemetheka kwegcikwane leCOVID 19.

Inhlanganiso yabaphathi bezikolo eyeNational Association of Primary Heads ibikwa isithi ngempela abezifundo zika Grade Seven sebengavula, kodwa eye National Association of Secondary Heads ithi kunengi okufanele kufezwe andubana kuvulwe izikolo.

Lokhu kubalisa ukuhlanzwa kwezikoko, ukuhlolwa igcikwane kwababalisi labantwana, kanye lokuthi kube lemota zokuhambisa ezeneleyo ezigoqela amabhasi.

Isiphathamadla senhlanganiso elwela amalungelo ababalisi eyeZimbabwe Teachers Association uMnu. Sifiso Ndlovu uthi lanxa uhulumende ezamile ukufuqela phambili amalanga okuvulwa kwezikolo, zilokhu zingakakulungeli lokhu ngoba kunengi okufanele kwenziwe andubana zivulwe.

please wait

No media source currently available

0:00 0:03:35 0:00


UMnu. Ndlovu uphinde wathi iZIMTA isilobele uhulumende incwadi ikhalaza ukuthi ababalisi bengezelelwe iholo njengoba abalitholayo lingasabaphilisi.

Uthi balakho ukukhalala umsebenzi nxa izikhalazo zabo zingafezwanga, okungaphazamisa imihloliso esihleliwe.

please wait

No media source currently available

0:00 0:02:29 0:00


XS
SM
MD
LG