amalinks wokungena

Breaking News

Zindala Zombili iZimbabwe leMozambique Kumncintiswano Wenkezo yeCOSAFA


The Zimbabwe Warriors
The Zimbabwe Warriors

Iqembu labesilisa elimela ilizwe le Zimbabwe emdlalweni wenguqu, elaziwa kakhulu ngegama elithi Zimbabwe Warriors, libe ngutshiki lobhanqa 0 ka 0 lele Mozambique, emdlalweni walo wakuqala owomncintiswano wenkezo yeCOSAFA,

Ekhuluma ekupheleni komdlalo umqeqetshi weqembu le Zimbabwe uZdravko Logarusic uthe uthe impumela yaNgoLwesithathu uyayemukela ngoba ebe lensuku ezimbalwa ezokulungiselela imidlalo ye COSAFA.

“Kumele ngitsho ukuba sibe lensuku ezinhlanu kuphela ezokulungiselela ukuza lapha. Sicine ukudlala imidlalo yeligi ngomnyaka ka 2019 okutsho ukuba bekungela mncintiswano wenguqu ngaphandle kwemidlalo yenkezo. Kungasenani, siqale kuhle ngoba sibe lawo amathuba, labo bawathola awabo. Ngombono wami yimpumela enhle kumaqembu womabili ngoba sonke sisesimeni esihle esokuthola imiklomelo emidlalweni elandelayo,” kutsho uLogarusic."

Umqeqetshi weqembu le Mozambique uHoratio Goncalves, uveze ukudana ngokunganqobi kweqembu lakhe ngemva kokuba lidlale kuhle.

“Asithokozanga ngoba yithi ebesizibambe esidukwini umdlalo wonke leqembu lami elabafana abasakhulayo. Isimo senkundla laso besingasivumeli ukuba sidlale ibhola lethu esilijwayeleyo ikanti lonompembe laye, hayi, ngizamtshiya enjalo ngoba kangaze ngathanda ukukhuluma ngabonompembe. Okuqakathekileyo kodwa yikuba kukhona esikufundileyo labafana bami,” kutsho uGoncalves.

Iqembu le Zimbabwe lele Mozambique asefakwe kusibaya sika Group B ndawonye le Namibia le Senegal.

Ngesikhathi kuqoqwa imidlalo yalonyaka bekulezibaya ezintathu njalo wonke lawa maqembu abekusibaya sika Group C.

Kuthe ngokungenelisi ukuzodlala kwamaqembu abalisa ele Comoros kanye lele Madagascar kwasekubulawa isibaya esisodwa lawo abeku Group B asefakwa kwezinye izibaya.

Iqembu le Malawi lingene kusibaya esile Zimbabwe, Mozambique, Namibia kanye le Senegal kwathi ele Zambia lona lingene kusibaya esile Eswatini, Lesotho, South Africa kanye le Botswana.

Kusibaya sika Group A iqembu le Eswatini yilo elihlezi phezu kwengalane lilemiklomelo emithathu ngemva kokunqoba ele Lesotho nge 3 ka 1 ngoLwesibili kuthi ele South Africa lihlezi endaweni yesibili ngemva kokunqoba ele Botswana nge 1 ka nya.

Amaqembu azaphutsha imidlalo yezibaya esendaweni ezimbili eziphezu ngasibaya sinye yiwo azadlulela kusigaba se semi – final.

Emdlalweni walo olandelayo iqembu le Zimbabwe lizadibana lele Malawi kuthi ele Senegal lizadlala lele Mozambique.

Ezemidlalo siziphiwa nguJoseph Njanji
please wait

No media source currently available

0:00 0:02:10 0:00
XS
SM
MD
LG