amalinks wokungena

Breaking News

Ziphiwa Imvumo Yokuhlawula Isibambiso seBail Intathelizindaba zeSunday Mail


Inthathelizindaba zeSunday Mail ziphiwa imvumo yokuhlawula ibail

UMantshi Tendai Mahwe, womthethwandaba kaMantshi eHarare, usenike imvumo intathelizindaba ezintathu zephephandaba leSunday Mail, ithuba lokuhlawula isibambiso sebail, amadola alikhulu ngamunye esithi akula sizatho esisuthisayo esinikezwe nguhulumende sokuba ziqhubeke zivalelwe.

Esethula isinqumo sakhe uMantshi Mahwe uveze ukuba uthethe leli nyathelo ngoba kube nzima kubatshutshisi ukuphuma lezizatho eziqinileyo zokuba kungani kumele balelwe ukuphiwa ithuba lokuhlawula imali yesibambiso se bail.

Uqhubeke ethi izizatho ezinikezwe ngumtshutshisi unkosikazi Sharon Mashavira, bezingela bufakazi obuveza mgceke ukuba balakho ukubaleka elizweni abathathu laba nxa icala labo lingathoniswa bengaphandle.

Unkosazana Fadzai Mahere, igqwetha labathathu laba utshele idale ukuba kasikho isizatho sokuba bancitshwe ithuba lebail ngoba kulilungelo labo ukulithola.

Zize ngobunengi intathelizindaba, kungakhathalekile ukuba ngezisebenza kumankampani kahulumende kumbe azimeleyo, ukuzasekela abanye babo kuloludaba okubalisa uThumeliso Makhurane otshengise ukusijabulela isinqumo esethulwe nguMantshi. Ethi ulethemba lokuba kuzakwenza kube lomahluko, ekusebenzi kwentathelizindaba zanelise ukuloba kungela kwesaba.

Abathathu laba, abalisa umhleli wezindaba weSunday Mail, uMabasa Sasa, ohlela ezokucubungula uBrian Chitemba kanye lomaliloba eloludaba uTinashe Farawo, betheswa umlandu wokuloba amanga, lapho beveze ukuba kulesiphathamandla sesipholiseni esiphatheke ekubulaweni kwendlovu kusetshenziswa itshefu ye cynide e Hwange National Park.

Kunjalo nje uTakunda Maodza intathelizindaba, yephephandaba le Herald obotshwe izolo esetheswa icala lokufumbathiswa laye unikezwe ithuba lokuhlawula amatshumi amahlanu amadola yesibambiso se bail lidale linye.

Udaba lwentathelizindaba zeSunday Mail eziphiwe imvumo yokuhlawula isibambiso seBail
please wait

No media source currently available

0:00 0:02:40 0:00
Lapho esitholakala khona

XS
SM
MD
LG