amalinks wokungena

Breaking News

Ziqhubeka Zihlengwa Izidumbu Emgodini Kwele South Africa


Umgodi wegolide
Sekuhlengwe izidumbu ezilitshumi lanye emgodini wegolide kwele south africa lapho okucatshangelwa ukuthi kufele abantu abangedlula amatshumi amathathu behitshwa yintuthu eletshefu, icarbon monoxide.

Abantu laba, inengi labo abadabuka kwele Zimbabwe, bangene emgodini lo, obungasasetshenziswa okusemthethweni bedinga ukwemba igolide kodwa inengi labo laselisifa lihitshwa yintuthu le.

Abanye bacatshangelwa ukuthi ngabadabuka emazweni abalisa iMozambique, Lesotho, Zambia leMalawi. Kucatsangelwa ukuthi ikhona enye imuli yeGokwe engaba yafelwa ngabantu abedlula itshumi emgodini lo.

Osekudanise abanengi yikuthi iziphathamandla zakwele South Africa kazizihluphi ngokuphathisa ngokukhipha izidumbu lezi ezikhitshwa ngabanye abemba igolide okungekho emthethweni bengelamitshina kumbe impahla emele isetshenziswe kusehlakalo esinje.

Lokhu kutsho ukuthi isidumbu sinye sithatha isikhathi esingafika amahola ayisithupha ukwenyulwa emgodini lo.

Ukuhlaziya loludaba uChris Gande weStudio 7 uxoxe lesiphathamandla sebandla leZapu eliphathisa abehlelwe yingozi le, uMnu. Ray Mdlongwa lesikhulumeli sogatsha olubona ngokuhlengwa kwabantu abawelwe yingozi eSouth Africa olwe Emergency Management services uMnu. Robert Mlaudzi onguye oqala lingxoxo.

please wait

No media source currently available

0:00 0:05:51 0:00
Lapho esitholakala khona
XS
SM
MD
LG