amalinks wokungena

Breaking News

Ziyaqhubeka Zibotshwa Iziphathamandla zeZanu PF Eze G40


UMnu. Ignatius Chombo loMnu. Kudzanai Chipanga.

Amapholisa abophe owayengumphathintambo wezokulima, uMn. Joseph Made kunye lowayengumphathintambo wesigaba se Midlands, uMnu. Jason Mchaya besetheswa icala lokungethembeki.

Lokhu kwenze ababengabaphathintambo kuhulumende kaMnu. Robert Mugabe abasebebotshiwe baba bathathu.

Omunye owayengumphathintambo owabotshwayo nguMnu. Ignatius Chombo owayengumphathintambo wezemali.

Bakhona abanye njalo ababelezikhundla zaphezulu ababotshwayo. Okumqoka yikuthi bonke ababotshwayo babesekela ixuku le Zanu PF elithiwa G40.

Ingcwethi ecubungula ezombusazwe, uMnu. Zenzele Ndebele utshele iStudio Seven ukuthi ukubotshwa kweziphathintambo lezi kutshengisa ukulwisana kwabasekeli bebandla leZanu PF hatshi ukulungisisa umnotho njengalokho okutshiwo nguMongameli Emmerson Mnangagwa.

“Leyi yimpi yabantu be Zanu PF. UMnangagwa ulwa labantu ababesenza ukuthi engangeni kumbuso kumbe axotshwe ku Zanu PF,” kutsho uNdebele.

Uthi ubona bezaqhubeka bebotshwa bonalabo abacatshengelwa ukuthi yizitha zakhe kodwa bengasoze bebe banengi.

Kodwa uNdebele uthi uhulumende uzaqhubeka ebopha abantu njengendlela yokutshengisa nje ukuthi ufeza izifiso zabantu ezokubopha abenza ukungethembeki ngoba edinga usekelo lokuvotelwa kukhetho.

“Kodwa kuzakubanzima ukudinga usekelo ngoba bakhona abazenza lokhu okuthiwa bhora musango kodwa nje yikuthi akusela bandla eliphikisayo eliqinileyo,” kutsho uNdebele.

please wait

No media source currently available

0:00 0:02:26 0:00

Facebook Forum

XS
SM
MD
LG