Inhlanganiso yeZimbabwe Lawyers for Human Rights ithi lanxa isisekelo sombuso silugwalo oluqakathekileyo uzulu amele ahlale elalo, abanengi kabalaso njalo kabawazi kuhle amalungelo abo.
Ithi njalo izakhamizi zemaphandleni ziyasilela kakhulu ngolwazi lwamalungelo azo avikelwe yimithetho yelizwe kanye lesisekelo sombuso.
Inhlanganiso le ithi ukuswela ulwazi lokhu kusuke kufake uzulu engozini enkulu ngoba ngoba engenelisi ukuzivikela kumbe ukuzimela alubana amalungelo akhe ethe ahlukunyezwa.
IZimbabwe Lawyers for Human Rights iphakathi kokuqhuba imihlangano yokukhulumisana lozulu endaweni ezitshiyeneyo zelizwe imfundisa ngamalungelo akhe.
Omunye wamagqwetha aqhuba limfundiso uMnu Lizwe Jamela uMnu Lizwe Jamela utshele iStudio 7 ukuthi bazaqhubeka ngaloluhlelo uzulu eze ewazwisise amalungelo alawo.
