Inengi lithi likhathazekile ngesimo somnotho elizweni ngesikhathi amanye amabhizimusi evalwa ngenxa yokusilela kwemali yakwamanye amazwe, odokotela ezibhedlela zikahulumende bekhalele umsebenzi, njalo lentengo yempahla ezitolo ilokhu iqonga mihla ngamalanga.
USithandekile Mhlanga weStudio 7 uxoxe loMfundisi Useni Sibanda ngaloludaba.
“Siyazi sime kanje, imisebenzi eminengi kayisekho, amafekitali sewavalwa. Abantu besebephila ngokuthengisa emgwaqweni,” kutsho uSibanda.
Uthi abanye emadolobheni abenelisi ukudla kathathu ngelanga ngoba bengelamali, njalo lezibhedlela akusela kwelatshwa.
USibanda uthi okunye yikuthi uhulumende ukhanya engatshitshi ukuthi alalele odokotela bona bedinga ukuthi umsebenzi wabo ubelula.
Uthi iziphathamandla ze Zanu PF zona zikhanya ziphatheke ngokulungiselela umhlangano ozakubakhona Esigodini kulokuthi bephathise isizwe.
“Kuzathatha isikhathi eside ukuthi abantu babelethemba lokuthi yenalo uhulumende into zonalezo azikhulumayo uthembekile kuzo,” kutsho uSibanda.
Your browser doesn’t support HTML5
Ingxoxo loMnu. Useni Sibanda
Silokhu sikudaba olufanayo, siqale ngokubuza ingcwethi ecubungula ezombusazwe uMnu. Masimba Kuchera ukuthi kambe umumo womnotho welizwe ungabe usubhidlike kakhulu na okwedlula lapho kusabusa uMnu. Robert Mugabe, njengalokho okutshiwo ngabanye.
“Ngo 19196 kumbe 1997 sike saba le strike sabodokotela esaqeda three weeks esabulala abantu abanengi kakhulu,” kutsho uKuchera.
Your browser doesn’t support HTML5
Ingxoxo loMnu. Masimba Kuchera