WASHINGTON DC - UMongameli weMelika uMnu Joe Biden uthi umanyano weNATO uzathathela eleRussia amanyathelo alubana lithe lahlasela eleUkraine ngezikhali zetshefu, ama-chemical weapons.
UBiden wethule amazwi la eseBrussels, kweleBelgium, ngoLwesine ngemva kokuhlangana labakhokheli bamazwe alumanyano, aweEuropean Union (EU) kanye laweG7.
Wazise ukuthi sebethese ezinye njalo iziphathamandla zakweleRussia ezilobudlelwano lohulumende walelolizwe kanye lamankampani izijeziso zenotho phezu kokuhlaselwa kweUkraine nguMongameli Vladimir Putin.
Ubiden wengeze wathi eleMelika lamazwe akuNATO azaqhubeka ephathisa ibutho leUkraine ngezikhali lanxa nje uMongameli walelolizwe uMnu Volodymyr Zelenskyy esithi bafuna izikhali ezinengi ukwedlula lezi abaziphiwayo kumbe abazithenjiswa yilawamazwe.
Abanye bathi besabela ukuthi kungaqhamuka impi yomhlaba yesithathu, i-World War 3, nxa iNATO ingenele kulimpi ngokuthumela amabuthi ayo ukuyancedisa aweUkraine.
Kodwa ingcwethi kwezombusazwe uMnu Effie Dlela Ncube uthi kaboni kufika kulelozinga.
Your browser doesn’t support HTML5
Ingxoxo loMnu Effie Dlela Ncube