WASHINGTON DC - Ikhomishini ebona ngezokhetho, iZimbabwe Electoral Commission (CCC) ithi asesemaphethelweni amalungiselelo okhetho lwamaby-elections oluzaqhutshwa kusasa.
Likhomishini ithi abantu kumele bayehlola imininingwane yabo kuluhlu lwabavotayo, i-voters roll, endaweni zokuvotela ukwenzela ukuthi nxa kukhona okuphambanisekileyo kulungiswe ukuze benelise ukuvota.
I-ZEC ithi isilungise izititshi zokuvotela, ama-polling stations, lapho okulokhetho khona njalo ithi uluhlu lwabavotayo lalo solukhona kulezindawo.
Amabandla ezombusazwe lawo athi asemelele ukhetho ngamehlo abomvu.
Isikhulumeli sebandla leCitizens Coalition for Change (CCC) koBulawayo uMnu Swithern Chiroodza utshele iStudio 7 ukuthi baanqoba nxa kungela kuqilibezela kulolukhetho.
Your browser doesn’t support HTML5
Ingxoxo loMnu Swithern Chirowodza
Isiphathamanda seMDC-T ekhokhelwa nguNkosazana Thokozani Khupe uMnu Muzobanzi Ncube uthe uzulu lamanye amabandla aphikisayo kumele bevotele amalunga eCCC njengokukhuthaza kukaMaKhupe.
Your browser doesn’t support HTML5
Ingxoxo loMnu Muzobanzi Ncube
Ilunga leZanu PF uMnu Believe Gaule yena uthi bakhangelele ukunqoba kusasa ngoba ibandla lakhe alikaze linqotshwe kukhetho lwamaby-elections.
Your browser doesn’t support HTML5
Ingxoxo loMnu Believe Gaule
Isiphathamandla senhlanganiso yeBulawayo Progressive Residents Association uMnu Ambrose Sibindi uthe abantu kumele baphume ngobunengo bayevota ngokuthula.
Your browser doesn’t support HTML5
Ingxoxo loMnu Ambrose Sibindi