WASHINGTON DC - Omunye wabazithi uyinkosi yaMaNdebele, uMnu Stanley Raphael Khumalo uthi ulobele uMongameli Emmerson Mnangagwa incwadi emazisa ukuthi uzabamba imbizo esigodlweni seState House koBulawayo ngempelasonto.
UKhumalo uthi uzasuka kweleSouth Africa kusasa ekhokhela udwendwe lwezimota zezizalwane zeZimbabwe esiyakwenza lumhlangano, wona athi awusoze uphanjaniswe ngoba etshele lamapholisa ngohlelo lwakhe.
NgoMgqibelo odluleyo bekulombuthano kweleSouth Africa, eBerea Park, lapho uKhumalo atshele khona izizalwane zeZimbabwe ukuthi ufuna kuvuselelwe umbuso waMaNdebele lye abe yinkosi epheleleyo.
Ophikisana lobukhosi bakhe, uMnu. Bulelani Khumalo, laye okuthiwa uyinkosi yaMaNdebele, uthi okwenziwa ngusowabo akukho emthethweni njalo uxwayisa uzulu ukuthi engamlandeli.
Your browser doesn’t support HTML5
Amazwi kaMnu Stanley Raphael Khumalo