Ukungani kuhle kwezulu sokubangele ukutsha kwezilimo emasimini, okuveza sobala ukuthi lonyaka zindlala zodwa njengoba inengi lingasoze livune lutho. Iziqinti ezimbalwa zele Mandebeleni ezigoqela o Insiza, Gwanda, Lupane, Umzingwane lezinye zibikwa zibhekane lendlala embi.
Omela i Mzingwane edaleni lepalamende uNkosazana Nomalanga Khumalo utshele uBrenda Moyo owe Studio 7 ukuthi umumo mubi sibili esigabeni sakhe, esithi ngabe uhulumende uyaphangisa ukudinga ezinye indlela zokuthi ilizwe lithole ukudla okweneleyo.