Izizalwane ze Zimbabwe ezihlala kweliBhilithane sezibumbe i khomidi esilobe ugwalo lokukhuthaza uMongameli Thabo Mbeki wele South Africa ukuthi emizameni yakhe yokulungisisa udubo lwe Zimbabwe kumele agoqele inhlanganiso zonke ezilwela umbuso okhululekileyo elizweni.
Likhomithi ezibiza ngokuthi Peoples Policy Committee, PPC igoqela izizalwane ze Zimbabwe ezimela inhlanganiso ezitshiyeneyo. UBrenda Moyo we Studio 7 uxoxe lesikhulumi salinhlanganiso uMnumzana Mqondobanzi Magonya othi kuqakathekile ukuthi uzulu wonke we Zimbabwe aphatheke ekulungiseni udubo oluse lizweni ngoba ibandla le ZANU PF lamacele omabili e MDC abasoze bamele izifiso zomuntu wonke.