Abezempilakahle bakhuthaza uzulu ukuthi aphangise ukuyahlolwa nxa umuntu ephethwe luphepha okwedlula amaviki amathathu lanxa eginqa kakhulu ebusuku ngoba engabe eselomkhuhlane wofuba iTB. kunsuku ezedluleyo amazwe omhlaba ahlangane edolobheni le Capetown South Africa obekulomhlangano omkhulu ophathelane lemikhuhlane ehlasela isifuba, iTB le Asthma kungeminye yawo. Ilizwe leZimbabwe libikwa lingelinye lamazwe lapho i TB ebhahe kakhulu. U Brenda Moyo weStudio 7 ukhulume lodokotela Samukeliso Dube obekulo umhlangano ochasisa okunye okukhulunywe ngakho emhlanganweni lo esipha uzulu amacebo okuzivikela kiwo.
