Amalunga enhlanganiso yeBulawayo Agenda angamatshumi amabili lanhlanu abotshelwe icala lokwenza umhlangano ongavunyelwanga ngamapholisa ePlumtree ngeNsonto, akhululwe.
Kodwa inkokheli yalinhlanganiso ithi lo ubungasimhlangano kodwa kube kuyizifundo eziqoqwe ukufundisa amalunga ngobukhokheli obuqotho.
Ukubotshwa kwamalunga la kwenzakala ngemva kokuchithwa komunye umhlangano walinhlanganiso ngolwesine koBulawayo lokuhlukuluzwa kwenkokheli. Umqondisi walinhlanganiso, uMnu. Gordeon Moyo utshele uChris gande weStudio 7 ukuthi lokhu okwenziwa ngamapholisa kuyamangalisa ngoba kwenziwa inkulumo zokukhumisana umlotha ziqutshwa eSouth Africa.