UArchbishop John Sentamu weNsonto yeNgilandi wethula umbiko othi ukwephulwa kwelungelo loluntu okwenzakala eZimbabwe le Darfur kuyafana lokuhlukuluza uNkulunkulu ngokwakhe, ngoba abantu laba bebunjwe ngomfanekiso wakhe.
Etshumayela ngelanga lekhisimusi eNgilandi, umhlekazi uSantamu uthe uzulu kumele emanyane edinge amacebo okuqeda ukuhlupheka kwabantu be Zimbabwe.
Isiphathamandla se Christian Alliance, umfundisi Promise Manceda, utshele uSithandekile Mhlanga we studio 7 ukuthi uyawusekela umbono ka Sentamu ngoba ukuhlupheka kwabantu okwenzakala elizweni kubangelwa yindlela ababuswa ngayo.