Imuli yesinye isibotshwa esifele ejele le Khami Maximum Prison sayabekwa eLuveve labanye okwathiwa abalazihlobo ngenyanga edluleyo ithi ifuna kudingisiswe kuhle ukuthi isihlobo sabo sibulewe yini njalo kuyini okwenza sabekwa bengatshelwanga kanti njalo abazange baziswe ukuthi siyagula.
Lokhu kulandela ukugejwa kwethuna ebe libekwe isidumbu sikaSibusiso Mkhwananzi yena obeseleminyaka engamatshumi ayisithupha lambili, emangcwabeni e Luveve lapho akade ebekwe khona engcwabeni linye labanye abathathu abangaziwayo beyelekene njengenyanda yenkuni.