UMnu. Gideon Gono ubikwa etshele intathelizindaba lamuhla ukuthi ibhanga le Reserve selethule imali entsha ezasebenza kusukela ngolwesihlanu.
Imali le iyabe ingamaphepha ama Bearer’s Checques awe $1 million, $5 million le $10 million. Imali eneliswa ukuthathwa ngabantu emabhanga izakhwezwa isukela ku $50 million isiya ku $500 million.
Udubo lokusilela kwemali lokhu lusidla ubhedu elizweni njalo amanye amabhanga agoqela o cabs, labo beverley building society abesipha abantu imali engange $5 million kusiya ku $10 million, kuthi amanye esipha abantu makhaza i $20 million ephansi kule $50 million ebisiyejwayilekile lamankampani i $50 million esikhundleni se $100 million.
Imali engane $5 million ibikwa ayenelisi kuthenga lutho oluyangaphi njengoba isinkwa kanye lokugada umtshova kubiza i $1 million, ngakho oyitholayo uyabuyela njalo edwendweni ngelanga elilandelayo.
Isiphathamandla senye ibhanga ko Bulawayo, esingathandanga ukuqanjwa ngebizo sitshele uSithandekile Mhlanga we studio 7 okunengi okwenzakala emabhanga.
Ezinye indaba ze studio 7...