Ingxabangxoza phakathi kwecele leMDC elikhokhelwa nguMnu. Morgan Tsvangirai enkabazwe ilokhu iqhubekela phambili phambilini kokhetho.
Elinye ilunga lalecele elizancintisa kukhetho lokudinga amalunga edale lephalamende, uMnu Roderick Rutswana ebotshiwe ngemva kokwetheswa icala lokunamathisela amaphepha alomfanekiso kaMnu. Morgan Tsvangirai emdulini wehotela yelunga yaleli cele, uMnu. Patrick Kombayi. UKombayi ubikwa ekhokhela elinye lamacele amabili akunxabano yenkabazwe, elinye likhokhelwa nguMnu.
Sesil Zvidzayi ongumeya weGweru. Kunjalo nje kubikwa kuqhamuke umsindo amalunga alelicele atshayana kabuhlungu emhlanganweni owenzelwe eZvishavane ngesonto. Amapholisa abophe amalunga alelicele alitshumi lane. UChris Gande weStudio 7 uxoxe lonobhala obona ngezokhetho esigabeni lesi, uMnu. Obert Ncube ukuze sizwe okusenzakala enkabazwe kuleli bandla.