Inhlanganiso yomanyano wezinhlanganiso ezilwela ilungelo likazulu, iZimbabwe Human Rights NGO Forum ithi udlakela olwenziwa kusukela ngemva kokhetho lukaMbimbitho lubangelwe zinsoli zikahulumende. Kumbiko eyethulwe izolo linhlanganiso ithi kusobala ukuthi udlakela lolu lwenziwa zingatsha zikahulumende oqhubeka elokhu esithi udlakela lubangelwa libandla leMDC.
INGO Forum ithi kumele udlakela olwenzakala lungaqathaniswa lodlakela oluyake lwenzakale ngemva kokhetho kodwa lukhangelwe ngelihlo elikhaliphikileyo ukwenzela ukuthi lungaphindwa.
Inhlanganiso le ilamalunga agoqela iAmnesty Internation, Catholic Commission for Justice and Peace WOZA, Zimbabwe Lawyers for Human Rights, Zimbabwe Peace Project lezinye. Ilunga lenhlanganiso ye ZimRights, uMnu. Clement Moyo utshele uChris Gande weStudio 7 ukuthi udlakela lokhu luqhubekela phambili.
Ezinye izindaba zeStudio7 …