Uhulumende we South Africa uthi uzabuyisela izizalwane zakwamanye amazwe ekhaya ekupheleni kwayonale inyanga, lapho sekuvalwa inkamba ebezivulwe kulandela udlakela lwenkethabetshabi oluqhaumuke kulelolizwe ngo Nkwenkwezi lonyaka.
Lumbiko ubikwa wethulelwe intathelizindaba yisikhulumi sikahulumende walelolizwe, uMnu. Themba Maseko, okhuthaze abezinkonzo labalwela ilungelo loluntu ukuthi bancedise labo abalamaphepha aqondileyo ekubuyeleni lapho abakade bevele behlala khona.
UNkosazana Anna Moyo, igqwetha elilwela ilungelo loluntu kukelolizwe utshele uSithandekile Mhlanga we studio 7 ukuthi kufanele uhulumende we South Africa ananzelele ukuthi akuqondanga ukuthi izizalwane zeZimbabwe zibuyiselwe emuva ngenxa yomumo oselizweni.