Inkokheli ye SADC Troika iphakathi komhlangano lenkokheli yamabandla ezombusazwe agoqela amacele womabili emdc lebandla leZANU PF ngenjongo yokuxazulula udaba lwezikhundla zeCabinet.Inkokheli ye SADC Troika iqale ukuzwa okuvela kuMongameli Robert Mugabe eyedwa, umkhokheli welinye icele leMDC uMnumzana Morgan Tsvangirai eyedwa kwazongena umkhokheli welinye icele leMDC uMnumzana Arthur Mutambara laye eyedwa.
Sikhuluma nje iSADC Troika iphakathi komhlango lenkokheli yamabandla wonke. owayenguMongameli weSouth Africa uMnumzana Thabo Mbeki nguye umlamulankuzi kudaba lweZimbabwe. Intathelizindaba yeStudio 7 uMark Peter Nthambe uchasisa akubone kusenzakala emhlanganweni lo.
Kunjalo nje ingcwethi ezicubungula ezombusazwe zithi udaba lwezikhundla zedale leCabinet kumelelugqitshwe namhla ukuze kube lengqubela phambili elizweni.UBrenda Moyo weStudio 7 ukhulume loMnumzana Mqondobanzi Magonya othi inkokheli yeMDC leZANU PF itshengise sobala ukuthi kayithembeki, ngokuqhubeka idonselana kudaba lwezikhundla zeCabinet.
Ezinye indaba ZeStudio7...