Uhulumende weAustrali sethulele inkokheli yeZimbabwe Cricket, uMnu Ozias Bvute loMnu Peter Chingoka izijeziso zokuthi bengaze balugxoba kulelo lizwe.
Ababili laba ngabanye babantu abangu 75 abethulelwe izijeziso yiAustralia ngeviki edluleyo –- ilizwe leli lisithi basebenzelana lebandla leZanu PF ekwephuleni ilungelo likazulu.
UBvute loChingoka bangamalunga ekomidi ye International Cricket Council (ICC) yona ekhangelelwe ukuqhuba umhlangano wayo omkhulu eAustrali ngenyanga ezayo.
Ngalokhu, izijeziso lezi zitsho ukuthi bobabili laba balakho ukwehluleka ukuba khona kulumhlangano. Umlandeli weCricket uNqobizitha Mkandla utshele uNtungamili Nkomo weStudio 7 ukuthi ukwahlulelwa kukaBvute loChingoka kuzaphazamisa kakhulu umdlalo wecricket eZimbabwe.