Umanyano we United Nations lamuhla wethula umbiko othi inani labantu ababulawa ngumkhuhlane we cholera elizweni lokhu liqansa njalo selisedlula inkulungwane lengxenye yalo, i 1 564 .
Umanyano lo uthi okubangela ukuqhela komkhuhlane lo yikuswelakala kwamanzi ahlanzekileyo okusebenzisa lokukubhidlika kogatsha lwezempilakahle elizweni kusengezelelwa yikuna kwezulu kanye lokuhamba-hamba kwabantu ngekhefu le khisimusi.
Inengi labantu libikwa libalekela kwele south africa lidinga ukwelatshwa kanye lokudla.
USithandekile Mhlanga we studio 7 uxoxe lomlaleli we studio 7 u Mnu. T.M Khumalo, isizalwane seZimbabwe esihlala e South Africa, yena osipha imbono yakhe ngokwenzakala kwele Zimbabwe.